2023 жылдың қараша айының соңында "DAR Rail" ЖШС басшылығымен Lianyungang портына инспекциялық сапар жүзеге асырылды, онда Ақтөбе және Ақсу ферроқорытпа зауыттарынан жөнелтілетін ферроқорытпаларды ауыстырып тиеу және оларды келісім-шарттар бойынша Жапонияға, Австралияға, Үндістанға және т.б. тасымалдау жүзеге асырылатын Қазақстан-Қытай логистикалық терминалының бірлескен кәсіпорны орналасқан.

"DAR Rail" ЖШС Xinjiang Qiantong International Freight Co., Ltd және Lianyungang HuaYa international Freight Forwarder Co., Ltd. сияқты қытайлық көлік компанияларымен Қазақстаннан экспортталатын жүктерді логистикалық қамтамасыз ету бойынша ұзақ мерзімді шарттық қатынастарға ие. Аталған серіктестер Қазақстаннан жөнелтілетін өнімді Қытайдың ішкі нарығына да, одан тыс жерлерге де жеткізу кезінде қызмет көрсетеді.

Кездесу шеңберінде тасымалданатын жүктің сақталуын нақты сақтай отырып, жүкті қабылдау, өлшеу, сақтау, түсіру, тиеу жағдайларына қойма үй-жайларын тексеру жүргізілді; ферроқорытпалардың фракциясын өзгерту бойынша ұсақтау қондырғысы орнатылған кедендік бақылау аймағындағы жабық қойма тексерілді.

Серіктестер белгілі бір маркалар мен фракциялар бойынша ферроқорытпаларды бөлек жинақтау бойынша жұмыс технологиясын,  кемеге жөнелтуге жүк партиясын портта дайындау процесін және экологиялық қауіпсіздік нормаларының сақталуын қамтамасыз етуді көрсетті. 

Сапар барысында өзара тиімді ынтымақтастықтың басқа да мәселелері талқыланды.